Newyddion

Cynhadledd Ranbarthol Gogledd Cymru 2008

Mae Llywodraethwyr Cymru yn cynnal cynhadledd ranbarthol yng Ngogledd Cymru ar ddydd Iau 23 Hydref 2008. Cynhelir y gynhadledd yn Venue Cymru, Llandudno.

Thema’r gynhadledd yw Yr Ymchwil am Ragoriaeth.

Nod y gynhadledd yw rhoi amser i lywodraethwyr ysgolion fyfyrio ar eu rôl mewn arwain gwelliant ysgol a’r wybodaeth a’r meddwl diweddaraf gan Lywodraeth y Cynulliad ar amrywiol bynciau. Bydd cyfle hefyd i rwydweithio gyda llywodraethwyr eraill ledled Gogledd Cymru i rannu gwybodaeth a phrofiad o reoli addysg pobl ifanc o 3–19 oed.

Mae Llywodraethwyr Cymru wedi bod yn ffodus i gael siaradwyr gwadd a hwyluswyr uchel eu parch sydd yn barod i rannu eu profiad gyda llywodraethwyr.

Bydd y gynhadledd yn cychwyn am 9.45am ac yn gorffen am 3.45pm. Bydd cyfres o weithdai yn ogystal â chyflwyniadau a gall llywodraethwyr ddewis y gweithdai yr hoffent fynd iddynt. Mae’r sesiynau gweithdy yn cynnwys:

• Fframwaith Effeithlonrwydd Ysgol
• Arolwg Estyn: rôl llywodraethwyr
• Cyfranogiad disgyblion
• Ffurfio Corff Llywodraethu ardderchog

I archebu e-bostiwch Llywodraethwyr Cymru: contact@governorswales.org.uk. Neu llanwch y ffurflen archebu amgaeedig a’i ffacsio at 029 2048 7843.

Clicwch yma i Agenda
Clicwch yma i Sesiynau Gweithdy
Clicwch yma i Ffurflen Archebu

Ychwanegu sylw